Soro

CO₂ ლაზერული გრავერები

ტალღის სიგრძე: 10.600 მკმ (10.6 მკმ) · შორეული ინფრაწითელი სპექტრი

CO₂ ლაზერული გრავერები ბაზარზე ერთ-ერთი ყველაზე გამოცდილი და ფართოდ გავრცელებული ლაზერული ტექნოლოგიაა. ლაზერის სხივი წარმოიქმნება CO₂-ზე დაფუძნებული აირის ნარევით სავსე ჰერმეტულად დახურულ მილში, შემდეგ კი სარკეებისა და ფოკუსირების ლინზის სისტემის საშუალებით სამუშაო არეალში მიემართება.

იმის გამო, რომ ორგანული მასალები 10.6 მკმ ტალღის სიგრძის გამოსხივებას ძალიან ეფექტურად შთანთქავენ, CO₂ ლაზერები განსაკუთრებით შესაფერისია არამეტალური მასალების ჭრისა და გრავირებისთვის. ისინი კვლავ ერთ-ერთ ყველაზე უნივერსალურ არჩევანს წარმოადგენს ისეთი მასალების დასამუშავებლად, როგორიცაა ხე, აკრილი, ტყავი, ქსოვილი, ქაღალდი და სხვა ორგანული მასალები.

რისტვის არის განსაკუთრებით ეფექტური CO₂ ლაზერული გრავირება

• ეფექტურად ჭრის ფანერას, MDF-ს, ხისტ ხესა და ბამბუკს, მათ შორის შედარებით სქელ ფურცლებსაც, თუ ლაზერს შესაბამისი სიმძლავრე აქვს..
• ჭრის გამჭვირვალე და ფერად აკრილს და უზრუნველყოფს გლუვ, სუფთად დამუშავებულ კიდეებს.
• გრავირებს და ჭრის ისეთ მასალებს, როგორიცაა ტყავი, ქაღალდი, მუყაო, ფეტრი, ქსოვილი, საცობი და შესაბამისი ტიპის რეზინი.
• მინაზე ქმნის მქრქალ ეფექტს და ასევე შეუძლია გარკვეული ტიპის კერამიკისა და ქვის გრავირება.
• უზრუნველყოფს არამეტალური მასალების ჭრის მაღალ სიჩქარეს და ეფექტურ ღირებულებას, რაც მას განსაკუთრებით კარგ არჩევანად აქცევს იმ შემთხვევაში, თუ სამუშაო პროცესის მნიშვნელოვანი ნაწილი ჭრას მოიცავს.

რისი გაკეთება არ შეუძლია CO₂ ლაზერულ გრავერს

• უშუალოდ დაუმუშავებელ ლითონზე ეფექტურ მარკირებას ვერ ახორციელებს. უჟანგავი ფოლადი, ალუმინი, თითბერი და სპილენძი CO₂ ლაზერის ტალღის სიგრძის გამოსხივებას ირეკლავს. ლითონის მარკირებისთვის, როგორც წესი, საჭიროა სპეციალური მარკირების ნაერთის ან საფარის გამოყენება, რაც ზრდის როგორც მასალის ხარჯს, ისე დამუშავების შემდეგ დამატებითი გაწმენდის საჭიროებას.
• არ არის გათვლილი განსაკუთრებით წვრილი და მიკრო-დეტალური მარკირებისთვის. ბოჭკოვან და UV ლაზერებს შეუძლიათ გაცილებით მაღალი სიზუსტით დაამუშაონ მცირე ზომის დეტალები და სპეციალიზებული მასალები.
• არასოდეს გამოიყენოთ PVC-ის ან ვინილის დასამუშავებლად. ამ მასალების დამუშავებისას შეიძლება გამოიყოს ქლორის შემცველი საშიში აირები, რომლებიც საფრთხეს უქმნის ოპერატორის ჯანმრთელობას და ასევე შეიძლება დააზიანოს ან დააკოროზიოს დანადგარი.

ტიპური სიმძლავრე და ფასი

დესკტოპ და მცირე ბიზნესისთვის განკუთვნილი CO₂ ლაზერული დანადგარების სიმძლავრე, როგორც წესი, 40–150W-ის ფარგლებშია, ხოლო მათი ფასი ხშირად დაახლოებით 2,000–8,000 დოლარს შეადგენს. საბოლოო ღირებულება დამოკიდებულია დანადგარის მოდელზე, სამუშაო არეალის ზომაზე, ფუნქციებსა და დამატებით აქსესუარებზე. უფრო მაღალი სიმძლავრე, ძირითადად, ნიშნავს დამუშავების უფრო მაღალ სიჩქარეს და ჭრის უფრო დიდ შესაძლებლობებს და არა იმას, რომ გრავირება ავტომატურად უფრო დეტალური იქნება.

ყველაზე მეტად შესაფერისია

CO₂ ლაზერები განსაკუთრებით შესაფერისია სარეკლამო აბრების დამზადებისთვის, სახლის დეკორისთვის, მოდელების შესაქმნელად, შეფუთვის პროტოტიპების დასამზადებლად, ინდივიდუალური პროდუქტების შესაქმნელად და ისეთი ლაზერული ჭრის პროდუქტებისთვის, რომლებიც იყიდება Etsy-სა და Shopify-ის მსგავს პლატფორმებზე.

ლურჯი დიოდური ლაზერული გრავერები

ტალღის სიგრძე: ~450 ნმ · ხილული ლურჯი სპექტრი

ლურჯი დიოდური ლაზერული გრავერები სხივს უშუალოდ ნახევარგამტარული დიოდის საშუალებით წარმოქმნიან, CO₂ სისტემებში გამოყენებული აირის მილისა და სხვა ლაზერულ ტექნოლოგიებში არსებული რთული ოპტიკური სისტემის გარეშე. ეს მარტივი კონსტრუქცია დანადგარებს კომპაქტურსა და ხელმისაწვდომს ხდის და მათი მოვლაც შედარებით მარტივია.

მათი დაბალი ღირებულება და მარტივი კონსტრუქცია არის ერთ-ერთი მთავარი მიზეზი, რის გამოც დიოდური ლაზერები იმდენად პოპულარული გახდა ჰობისტებს, მეკერებსა და მცირე ბიზნესებს შორის. ისინი ლაზერული გრავირებით დასაწყებად ხელმისაწვდომ შესაძლებლობას გვთავაზობენ და ამავდროულად, გავრცელებული მასალების ფართო სპექტრის ჭრისა და გრავირების საშუალებას იძლევიან.

რისთვის არის განსაკუთრებით ეფექტური დიოდური ლაზერული გრავერები

• გრავირებს და ჭრის ხეს, ფანერას, MDF-სა და ბამბუკს.
• ეფექტურად მუშაობს ტყავზე, ქაღალდზე, მუყაოზე, ფეტრსა და საცობზე.
• ეფექტურად ჭრის მუქ და გაუმჭვირვალე აკრილს.
• ანოდირებულ ალუმინზე მარკირებას ახორციელებს ზედაპირზე არსებული ფერადი ოქსიდის ფენის მოცილებით, რის შედეგადაც მკვეთრი, ღია ფერის მარკირება მუქ ფონზე მიიღება.
• ხელმისაწვდომი ვარიანტია ლაზერული გრავირებით დასაწყებად, რადგან ლაზერული მილის შეცვლა არ სჭირდება და მოვლის ხარჯებიც შედარებით დაბალია.

რისი კეთება არ შეუძლია დიოდურ ლაზერს

• ზოგადად, მას არ შეუძლია გამჭვირვალე ან ღია ფერის აკრილის ეფექტურად ჭრა, რადგან ეს მასალები 450 ნმ ტალღის სიგრძის ლურჯი სინათლის მნიშვნელოვან ნაწილს ატარებს.
• მას არ შეუძლია უშუალოდ უმეტეს შიშველ ლითონებზე ეფექტური გრავირება სპეციალური დამუშავების ან მარკირების ნაერთების გამოყენების გარეშე.
• მსგავსი ფასის დიაპაზონში მყოფ CO₂ ლაზერთან შედარებით, მას, როგორც წესი, უფრო ნელა და ნაკლები სისქის მასალებში ჭრა შეუძლია, რაც მისი უფრო დაბალი ხელმისაწვდომი ოპტიკური სიმძლავრით არის განპირობებული.
• ის არ არის შესაფერისი ჩვეულებრივი მინის გრავირებისთვის.

ტიპიური სიმძლავრე და ფასი

დიოდური ლაზერული გრავიორები, როგორც წესი, გვთავაზობენ დაახლოებით 5–40 ვტ ოპტიკურ სიმძლავრეს, ხოლო მათი ფასი, დანადგარისა და ფუნქციების მიხედვით, ჩვეულებრივ დაახლოებით €200-დან €2,500-მდე მერყეობს. დიოდური ლაზერის სიმძლავრე განისაზღვრება ოპტიკური გამოსასვლელი სიმძლავრით, ამიტომ ის პირდაპირ არ უნდა შევადაროთ ელექტრულ სიმძლავრეს ან მილის სიმძლავრეს, რომლითაც ზოგიერთი CO₂ ლაზერული დანადგარი ხასიათდება. შესაბამისად, 20 ვტ-იანი დიოდური ლაზერი და 20 ვტ-იანი CO₂ ლაზერი ჭრის შესაძლებლობების თვალსაზრისით ერთმანეთის ეკვივალენტური არ არის.

საუკეთესოდ შეეფერება

დიოდური ლაზერები შესანიშნავი არჩევანია მეკერებისთვის, საგანმანათლებლო დაწესებულებებისთვის, ჰობისტებისთვის, მცირე ტირაჟით პერსონალიზაციისთვის და დამწყებთათვის, რომლებიც ძირითადად მუშაობენ ხეზე, ტყავზე, მუქი ფერის აკრილსა და ანოდირებულ ალუმინზე და არ საჭიროებენ იმ მასშტაბის ინვესტიციას, რასაც ინდუსტრიული ლაზერული სისტემები მოითხოვს. xTool-ის პროდუქტების ხაზში ამ კატეგორიას წარმოადგენს xTool M2.

ბოჭკოვანი ლაზერული გრავიორები

ტალღის სიგრძე: 1064 ნმ · ახლო ინფრაწითელი

ბოჭკოვანი ლაზერული გრავიორები სხივს წარმოქმნიან იშვიათმიწა ელემენტებით დოპირებულ ოპტიკურ ბოჭკოში და სწრაფი გალვანომეტრული სკანირების თავაკის მეშვეობით მიმართავენ მას დასამუშავებელ ზედაპირზე. 1064 ნმ ტალღის სიგრძეზე ლითონები ლაზერის ენერგიას ეფექტურად შთანთქავენ, რის გამოც ბოჭკოვანი ლაზერები ლითონზე მუდმივი მარკირებისა და გრავირებისთვის სტანდარტულ არჩევანს წარმოადგენს.

ბოჭკოვანი ლაზერული სისტემების უმეტესობა გალვოს ტიპის კონსტრუქციას იყენებს, რაც ლაზერის თავს საშუალებას აძლევს, სხივი მარკირების ზონაში სწრაფად გადაადგილოს ისე, რომ მთელი ლაზერული თავი ფიზიკურად არ გადაადგილდეს. ეს, მრავალ აპლიკაციაში, ტრადიციულ განთრიულ სისტემებთან შედარებით, მარკირების მნიშვნელოვნად მაღალ სიჩქარეს უზრუნველყოფს, განსაკუთრებით დეტალური მეტალის მარკირებისა და სერიული წარმოების პროცესებში.

რისთვის არის განსაკუთრებით ეფექტური ბოჭკოვანი ლაზერული გრავიორი

• მარკირებასა და ღრმა გრავირებას ეფექტურად ასრულებს უჟანგავ ფოლადზე, ნახშირბადოვან ფოლადზე, ალუმინზე, ტიტანსა და თითბერზე, ასევე სპილენძზე, ოქროსა და ვერცხლზე.
• ქმნის მუდმივ და გამძლე მარკირებას, რომელიც უძლებს ხელით დამუშავებას, წმენდასა და გარე გარემოს ზემოქმედებას.
• Aაღწევს მარკირების ძალიან მაღალ სიჩქარეს, რაც ბოჭკოვან ლაზერებს განსაკუთრებით შესაფერისს ხდის სერიული და საწარმოო სამუშაოებისთვის.
• უზრუნველყოფს მაღალი სიზუსტის დეტალების შენარჩუნებას სერიული ნომრების, Data Matrix კოდების, ლოგოებისა და რთული გრაფიკული გამოსახულებების მარკირებისას.
• მოითხოვს ძალიან მცირე რაოდენობით სახარჯ მასალებს, ხოლო ლაზერის წყაროს მუშაობის ხანგრძლივობა, როგორც წესი, ათიათასობით საათს შეადგენს.

რას ვერ აკეთებს ბოჭკოვანი ლაზერული გრავორი

• მაღალი ამრეკლავი თვისებების მქონე მეტალები, როგორიცაა სუფთა სპილენძი, ოქრო და ვერცხლი, უფრო რთულად დასამუშავებელია. ისინი 1064 ნმ ტალღის სიგრძის ლაზერულ გამოსხივებას ნაკლებად ეფექტურად შთანთქავენ, ვიდრე ისეთი მასალები, როგორიცაა ფოლადი და ალუმინი. შესაბამისად, შესაძლოა საჭირო გახდეს უფრო მაღალი სიმძლავრის გამოყენება ან მარკირების სიჩქარის შემცირება. ამასთან, შესაძლოა წარმოიქმნას ლაზერული გამოსხივების უკან არეკვლის (back-reflection) რისკიც.
• არ არის შესაფერისი ისეთი მასალების დასამუშავებლად, როგორიცაა ხე, ქაღალდი, ქსოვილი ან გამჭვირვალე პლასტმასების უმეტესობა, რადგან ისინი 1064 ნმ ტალღის სიგრძის ლაზერულ გამოსხივებას სუსტად შთანთქავენ.
• Iმისი მარკირების არე, როგორც წესი, შეზღუდულია და, F-Theta ლინზისა და აპარატის კონფიგურაციის მიხედვით, ხშირად დაახლოებით 100–300 მმ-ს შეადგენს.
• სტანდარტული ბოჭკოვანი ლაზერები ვერ უზრუნველყოფენ ფერის მარკირების ისეთივე კონტროლირებად შესაძლებლობებს, როგორიც MOPA სისტემებს აქვთ. MOPA სისტემები უჟანგავი ფოლადის დამუშავებისას პულსის სიგანის უფრო ზუსტი კონტროლის საშუალებას იძლევა.
• ეს სისტემა ძირითადად მარკირებისა და გრავირების სამუშაოებისთვის არის განკუთვნილი და არა სქელი მასალის ჭრისთვის. მეტალზე ღრმა დამუშავება ხორციელდება მასალის ეტაპობრივად მოცილებით და არა სქელი ფურცლის მთლიან სისქეზე გაჭრით.

ტიპიური სიმძლავრე და ფასი

დესკტოპის ტიპის ბოჭკოვანი ლაზერული დანადგარების სიმძლავრე, როგორც წესი, 20–60 ვატს შეადგენს, ხოლო მათი ფასი დაახლოებით €2,500–€8,000-ის ფარგლებში მერყეობს, რაც დამოკიდებულია ლაზერის წყაროზე, მარკირების არეზე, დამცავ კორპუსსა და სხვა ფუნქციებზე. მეტალზე მუშაობისას, უფრო მაღალი სიმძლავრე, როგორც წესი, უზრუნველყოფს მარკირების უფრო მაღალ სიჩქარეს და გრავირების უფრო დიდ სიღრმეს.

საუკეთესოდ შეეფერება

ბოჭკოვანი ლაზერები იდეალურია სამკაულების, მეტალის ნაკეთობების, ხელსაწყოების, დანების, სამრეწველო კომპონენტების, თერმო ჭიქების, სასმელების ჭურჭლისა და სხვა ისეთი პროდუქციისთვის, სადაც საჭიროა მეტალზე მუდმივი მარკირება საწარმოო მასშტაბებში. xTool-ის პროდუქციის ხაზში ამ კატეგორიას წარმოადგენს F2 Ultra.

MOPA ლაზერული გრავირების დანადგარები

ტალღის სიგრძე: 1064 ნმ პულსის რეგულირებადი სიგანით

MOPA ლაზერული გრავირების დანადგარი (Master Oscillator Power Amplifier — მთავარი ოსცილატორი და სიმძლავრის გამაძლიერებელი) წარმოადგენს ბოჭკოვანი ლაზერის სპეციალიზებულ ტიპს, რომელსაც ერთი მნიშვნელოვანი ფუნქცია ემატება — პულსის ხანგრძლივობის რეგულირების შესაძლებლობა. ლაზერის წყაროს მიხედვით, პულსის სიგანის რეგულირება, როგორც წესი, შესაძლებელია რამდენიმე ნანოწამიდან რამდენიმე ასეულ ნანოწამამდე.

MOPA ლაზერული გრავირების დანადგარი (Master Oscillator Power Amplifier — მთავარი ოსცილატორი და სიმძლავრის გამაძლიერებელი) წარმოადგენს ბოჭკოვანი ლაზერის სპეციალიზებულ ტიპს, რომელსაც ერთი მნიშვნელოვანი ფუნქცია ემატება — პულსის ხანგრძლივობის რეგულირების შესაძლებლობა. ლაზერის წყაროს მიხედვით, პულსის სიგანის რეგულირება, როგორც წესი, შესაძლებელია რამდენიმე ნანოწამიდან რამდენიმე ასეულ ნანოწამამდე.

ეს დამატებითი კონტროლი ცვლის ზედაპირზე გადაცემული სითბოს რაოდენობასა და მისი გაფანტვის სიჩქარეს, რაც MOPA ლაზერებს უფრო მეტ მოქნილობას ანიჭებს იმ აპლიკაციებში, სადაც სტანდარტული ბოჭკოვანი ლაზერების შესაძლებლობები უფრო შეზღუდულია.

რას უზრუნველყოფს MOPA ლაზერული გრავირების დანადგარი უკეთესად

• ქმნის ფერად მარკირებას უჟანგავ ფოლადსა და ტიტანზე. ზუსტად კონტროლირებადი პულსები წარმოქმნის თხელ ოქსიდურ ფენას კონკრეტული ოპტიკური თვისებებით, რაც საღებავებისა და საფარის გამოყენების გარეშე ისეთი ფერების მიღების საშუალებას იძლევა, როგორიცაა ლურჯი, ოქროსფერი, იისფერი და მწვანე. ფერის თანმიმდევრული და განმეორებადი მიღება დამოკიდებულია სითბოს მიწოდების ზუსტ კონტროლზე, რაც რეგულირებადი პულსის სიგანის ერთ-ერთი მთავარი უპირატესობაა.
• ანოდირებულ ალუმინზე ქმნის მკაფიო შავ მარკირებას და ამავდროულად ინარჩუნებს ანოდირებული ფენის მთლიანობას, ნაცვლად მისი სრული მოცილებისა, რაც ფიქსირებული პულსის მქონე ბოჭკოვანი ლაზერების გამოყენებისას შეიძლება მოხდეს.
• ახდენს თხელი მეტალებისა და დელიკატური კომპონენტების მარკირებას სითბური ზემოქმედების შემცირებით, რაც ხელს უწყობს დეფორმაციის, არასასურველი შეფერილობისა და ბასრი კიდეების წარმოქმნის მინიმუმამდე დაყვანას.
• უზრუნველყოფს წვრილი დეტალების უფრო ზუსტ კონტროლს მეტალების, საინჟინრო პლასტმასებისა და დაფარული ზედაპირების უფრო ფართო სპექტრზე.

რას ვერ აკეტებს MOPA ლაზერული გრავირების დანდგარი

• მასალებთან თავსებადობის თვალსაზრისით, მას აქვს სტანდარტული ბოჭკოვანი ლაზერის მსგავსი შეზღუდვები: არ არის განკუთვნილი ხის, ქაღალდის, ქსოვილისა და გამჭვირვალე პლასტმასების დასამუშავებლად.
• ფერადი მარკირების თანმიმდევრული შედეგების მისაღებად საჭიროა პროცესის ზუსტი კონტროლი. საბოლოო ფერზე გავლენას ახდენს ზედაპირის დამუშავების ხარისხი, მასალის შემადგენლობა, შენადნობი, ფოკუსი და ლაზერის პარამეტრები. შესაბამისად, საწარმოო აპლიკაციებში, როგორც წესი, საჭიროა წინასწარი ტესტირება და პარამეტრების შესაბამისი კორექტირება.
• როგორც წესი, მისი ღირებულება უფრო მაღალია, ვიდრე იმავე ნომინალური სიმძლავრის მქონე ფიქსირებული პულსის ბოჭკოვანი ლაზერის, რაც განპირობებულია MOPA ლაზერული წყაროს მიერ უზრუნველყოფილი დამატებითი კონტროლის შესაძლებლობებით.

ტიპიური სიმძლავრე და ფასი

MOPA ლაზერული გრავირების დანადგარების სიმძლავრე, როგორც წესი, 20–100 ვატის ფარგლებში მერყეობს, ხოლო მათი ფასი დაახლოებით €4,000–€12,000-ს შეადგენს, რაც დამოკიდებულია ლაზერის წყაროზე, დანადგარის კონფიგურაციაზე, სამუშაო არეზე და დამატებით ფუნქციებზე. MOPA სისტემა, როგორც წესი, მნიშვნელოვნად უფრო ძვირია, ვიდრე შედარებადი სიმძლავრის მქონე ფიქსირებული პულსის ბოჭკოვანი ლაზერი.

საუკეთესოდ შეეფერება

MOPA ლაზერები განსაკუთრებით შესაფერისია ფერადი მარკირების მქონე უჟანგავი ფოლადის პროდუქციის, პრემიუმ კლასის ანოდირებული ალუმინის ნივთების, სამკაულების, მაღალი ღირებულების სამომხმარებლო ელექტრონიკისა და ისეთი აპლიკაციებისთვის, სადაც ლაზერული მარკირება პროდუქტის ვიზუალური დიზაინის ნაწილია და არა მხოლოდ საიდენტიფიკაციო მარკირება. xTool-ის პროდუქციის ხაზში MOPA ტექნოლოგია ხელმისაწვდომია F2 Ultra მოდელში.

UV ლაზერული გრავირების დანადრაგები

ტალღოვანი სირძე: 355 ნმ · ულტრაიისფერი

UV ლაზერული გრავირების დანადგარები მუშაობს 355 ნმ ტალღის სიგრძეზე, რომელიც, როგორც წესი, მიიღება 1064 ნმ ლაზერული წყაროს სიხშირის სამმაგი გარდაქმნით. ამ მოკლე ტალღის სიგრძეზე ლაზერი მასალებთან განსხვავებულად ურთიერთქმედებს ინფრაწითელ ლაზერებთან შედარებით, რაც ენერგიას საშუალებას აძლევს, დაარღვიოს მოლეკულური ბმები სითბოზე მნიშვნელოვნად ნაკლები დამოკიდებულებით.

ამ პროცესს ხშირად „ცივ მარკირებას“ უწოდებენ, რადგან ის სითბური ზემოქმედების უკიდურესად მცირე ზონას წარმოქმნის. შედეგად მიიღება მაღალი სიზუსტის მარკირება მინიმალური თერმული დაზიანებით, რაც UV ლაზერებს განსაკუთრებით შესაფერისს ხდის დელიკატური, სითბოს მიმართ მგრძნობიარე და მაღალი ღირებულების მასალების დასამუშავებლად.

რას უზრუნველყოფს UV ლაზერული გრავირების დანადგარი უკეთესად

• ახდენს მინისა და კრისტალის მარკირებას მიკრობზარების მინიმალური წარმოქმნით, რაც მას განსაკუთრებით შესაფერისს ხდის დელიკატური გამჭვირვალე მასალების დასამუშავებლად.
• ამუშავებს კერამიკას, ქვასა და სხვა მყიფე მასალებს ზუსტი და სუფთა შედეგების მიღებით.
• მარკირებას უკეთებს ისეთ პლასტმასებს, როგორიცაა ABS, პოლიკარბონატი, PET და სილიკონი, მაღალი კონტრასტით და ამავდროულად ამცირებს დნობის, შეფერილობის ცვლილებისა და დამწვრობის რისკს.
• ამუშავებს PCB-ებს, მოქნილ ელექტრულ წრედებსა და სამედიცინო მოწყობილობების კომპონენტებს, სადაც თერმული დაზიანების კონტროლი განსაკუთრებით მნიშვნელოვანია.
• ამუშავებს მოქნილ ელექტრულ წრედებს, თხელ ფირებსა და FPC მასალებს, რაც უზრუნველყოფს ზუსტ ჭრასა და წვრილი დეტალების დამუშავებას, რომელთა მიღწევაც ინფრაწითელი ლაზერებით შესაძლოა რთული იყოს.
• ქმნის უკიდურესად მცირე ზომის დეტალებს, მათ შორის მიკროხვრეტებსა და წვრილ გრავირებულ ნიმუშებს, ისეთი აპლიკაციებისთვის, რომლებიც მიკრონის დონეზე სიზუსტეს მოითხოვს.
• უზრუნველყოფს გრავირების განსაკუთრებულად მაღალი სიზუსტის დეტალებს, რადგან UV ლაზერის ტალღის მოკლე სიგრძე საშუალებას იძლევა, მიღწეულ იქნას ფოკუსირებული სხივის ძალიან მცირე ლაქის ზომა.
• მუშაობს მასალების ფართო სპექტრზე, მათ შორის როგორც მეტალებზე, ისე არამეტალებზე, რაც მას ზუსტი მარკირებისთვის ერთ-ერთ ყველაზე მრავალმხრივ ლაზერულ წყაროდ აქცევს.

რას ვერ აკეთებს UV ლაზერული გრავირების დანადგარი

• არ არის განკუთვნილი სქელი მასალების ჭრისთვის. UV სისტემების უმეტესობა ოპტიმიზებულია ზედაპირის ზუსტი დამუშავებისთვის და არა მასალის დიდი მოცულობის მოცილებისთვის.
• არ არის შესაფერისი სქელი მასალების დასამუშავებლად, იქნება ეს მეტალი, პლასტმასი თუ სხვა ტიპის მასალა.
• UV ლაზერის ოპტიკური კომპონენტები, როგორც წესი, უფრო ფრთხილ მოვლას საჭიროებს და მათი შეცვლის ხარჯიც შეიძლება უფრო მაღალი იყოს, ვიდრე ბოჭკოვან ლაზერულ სისტემებში გამოყენებული კომპონენტების შემთხვევაში.
• მას აქვს ყველაზე მაღალი ღირებულება ერთ ვატზე, დესკტოპის ლაზერულ დანადგარების ძირითად კატეგორიებს შორის, რაც განპირობებულია UV ლაზერული წყაროსა და ოპტიკური სისტემის სირთულით.

ტიპიური სიმძლავრე და ფასი

UV ლაზერული გრავირების დანადგარები, როგორც წესი, 3–10 ვატის სიმძლავრის დიაპაზონში მუშაობს. მიუხედავად იმისა, რომ ეს სიმძლავრის მაჩვენებლები CO₂ ან ბოჭკოვან ლაზერებთან შედარებით დაბალი ჩანს, უფრო მოკლე, 355 ნმ ტალღის სიგრძე საშუალებას იძლევა, შედარებით დაბალი სიმძლავრით ეფექტურად დამუშავდეს მრავალი მგრძნობიარე მასალა. მათი ფასი, როგორც წესი, დაახლოებით €6,000–€20,000-ის ფარგლებში მერყეობს და დამოკიდებულია ლაზერის წყაროზე, დამცავ კორპუსზე, სამუშაო არეზე და დანადგარის კონფიგურაციაზე.

საუკეთესოდ შეეფერება

UV ლაზერები განსაკუთრებით შესაფერისია მინის ჭურჭლის, კრისტალისგან დამზადებული ჯილდოების, კოსმეტიკური და ფარმაცევტული შეფუთვის, ელექტრონიკის, სამედიცინო მოწყობილობების, ზუსტი კომპონენტებისა და პრემიუმ კლასის პლასტმასის პროდუქციის დასამუშავებლად. xTool-ის პროდუქციის ხაზში ამ კატეგორიას წარმოადგენს F2 Ultra UV.

ლაზერული გამკვეთის მანქანა შედარების ცხრილი

რომელი ლაზერი რომელი პროცესისთვის?

მასალების ცხრილი პასუხობს "რა შეუძლია ამ მანქანას შეეხოს." ეს პასუხობს "რა სამუშაოს ვაკეთებ."

ორივე ცხრილი ერთად უნდა განიხილოთ: მასალების ცხრილი განსაზღვრავს, რისი შესრულება არ შეუძლია კონკრეტულ ლაზერულ წყაროს ფიზიკური თვალსაზრისით, ხოლო ეს ცხრილი გიჩვენებთ, დარჩენილი ვარიანტებიდან რომელი არის რეალურად ყველაზე შესაფერისი კონკრეტული სამუშაოსთვის.

როგორ აირჩიოთ სწორი ლაზერული გრავერი

შეარჩიეთ ის ვარიანტი, რომელიც ყველაზე მეტად შეესაბამება თქვენს სამუშაო მასალებსა და იმ პროდუქციის ტიპს, რომლის დამზადებაც გსურთ.

აირჩიე CO₂ ლაზერული გრავირების დანადგარი თუ:

• ჭრა თქვენი ძირითადი სამუშაოა და არა უბრალოდ მარკირება.
• ძირითადად მუშაობთ ხეზე, აკრილზე, ტყავზე, ქაღალდსა და ქსოვილზე.
• გჭირდებათ გამჭვირვალე აკრილის ჭრა, რომლის დამუშავებაც სხვა ტიპის ლაზერების უმეტესობისთვის რთული ან შეუძლებელია.
• თქვენს პროექტებს სჭირდება უფრო დიდი სამუშაო არე, ვიდრე ტიპურ გალვო სისტემას შეუძლია უზრუნველყოს.
• გსურთ არამეტალური მასალების ჭრის მაღალი წარმადობა და კარგი ფასისა და შესაძლებლობების თანაფარდობა.

აირჩიე დიოდური ლაზერული გრავირების დანადგარი თუ:

• ახლახან იწყებთ საქმიანობას და ხარჯების მინიმუმამდე შემცირება თქვენთვის მნიშვნელოვანია.
• თქვენი ძირითადი სამუშაო მასალებია ხე, ტყავი, ქაღალდი და ანოდირებული ალუმინი.
• გსურთ კომპაქტური დანადგარი, რომელიც სამუშაო მაგიდაზე მარტივად განთავსდება.
• გირჩევნიათ მინიმალური ტექნიკური მომსახურება და არ გსურთ ლაზერული მილის შეცვლა.
• არ გჭირდებათ გამჭვირვალე აკრილის დამუშავება ან დაუფარავ მეტალზე პირდაპირი მარკირება.

აირჩციე ბოჭკოვანი ლაზერული გრავირების დანადგარი თუ:

• მეტალი თქვენი ძირითადი სამუშაო მასალაა.
• გჭირდებათ მუდმივი მარკირება, რომელიც გაუძლებს ცვეთას, წმენდასა და გარე გარემოს ზემოქმედებას.
• მუშაობთ სერიულად, სადაც მარკირების მაღალი სიჩქარე მნიშვნელოვანია.
• თქვენი დეტალები თავსდება ტიპურ 100–300 მმ-იან მარკირების არეში.
• გჭირდებათ მაღალი სიზუსტის დეტალების, როგორიცაა სერიული ნომრები, Data Matrix კოდები ან წვრილი გრაფიკული გამოსახულებების, დატანა.

აირჩიე MOPA ლაზერის დანადგარი თუ:

• გსურთ უჟანგავ ფოლადზე ან ტიტანზე ფერადი მარკირების შექმნა.
• მუშაობთ ანოდირებულ ალუმინზე და გსურთ მკაფიო შავი მარკირების შექმნა ანოდირებული ფენის მოცილების გარეშე.
• მუშაობთ თხელ ან დელიკატურ დეტალებთან, სადაც სითბოსა და დეფორმაციის კონტროლი მნიშვნელოვანია.
• ლაზერული მარკირება პროდუქტის დიზაინის ნაწილია და არა უბრალოდ საიდენტიფიკაციო მარკირება.
• მზად ხართ, სტანდარტულ ბოჭკოვან ლაზერთან შედარებით, უფრო დიდი ინვესტიცია განახორციელოთ.

აირჩიე UV ლაზერის დანადგარი თუ:

• მუშაობთ მინაზე, კრისტალზე, კერამიკაზე ან სხვა დელიკატურ მასალებზე.
• გჭირდებათ ისეთი პლასტმასების მარკირება, რომლებიც ინფრაწითელი ლაზერების ზემოქმედებისას შეიძლება დადნეს, დაიწვას ან ფერი შეიცვალოს.
• ამუშავებთ ელექტრონიკას, PCB-ებს, მოქნილ ელექტრულ წრედებს ან სამედიცინო მოწყობილობების კომპონენტებს.
• გჭირდებათ უმაღლესი სიზუსტე და უკიდურესად წვრილი დეტალების დამუშავება.
• თქვენი აპლიკაციები ძირითადად ზედაპირის მარკირებასა და ზუსტ დამუშავებას მოიცავს და არა სქელი მასალების ჭრას.

გაითვალისწინეთ: ლაზერული გრავირების დანადგარის შერჩევისას სწორი ლაზერული წყაროს არჩევა მხოლოდ ერთ-ერთი მნიშვნელოვანი ფაქტორია. სამუშაო არე, მოძრაობის სისტემა, მარკირების სიჩქარე, სიზუსტე და კიდეების დამუშავების ხარისხი ასევე განისაზღვრება დანადგარის მექანიკური კონსტრუქციით. შესაბამისად, განთრიულ და გალვო სისტემებს შორის არჩევანიც კიდევ ერთი მნიშვნელოვანი ფაქტორია, რომელიც აუცილებლად უნდა გაითვალისწინოთ.

როცა ერთი ლაზერი საკმარისუი არ არის

მასალების შედარებისას ერთი რამ ცხადი ხდება: არც ერთ ლაზერის ტალღის სიგრძეს არ შეუძლია ყველა ტიპის მასალის თანაბრად ეფექტურად დამუშავება. CO₂ ლაზერები განსაკუთრებით ეფექტურია არამეტალური მასალების ჭრისთვის, თუმცა დაუფარავ მეტალებთან მუშაობა უჭირთ. ბოჭკოვანი და MOPA ლაზერები მეტალების დასამუშავებლად არის შექმნილი, თუმცა არ არის შესაფერისი ისეთი მასალებისთვის, როგორიცაა ხე. UV ლაზერებს შეუძლიათ იმ მასალების დამუშავება, რომლებთანაც სხვა ლაზერულ წყაროებს მუშაობა უჭირთ, თუმცა ისინი არ არის განკუთვნილი სქელი მასალების ჭრისთვის.

მომხმარებლების უმეტესობისთვის სამი პრაქტიკული მიდგომა არსებობს.

1. სპეციალიზაცია

აირჩიეთ ლაზერული წყარო, რომელიც თქვენი სამუშაოების უმეტესობას შეესაბამება, ხოლო მისი შესაძლებლობების ფარგლებს გარეთ არსებული შეკვეთები სხვა კომპანიებს გადააბარეთ ან უარი თქვით მათ შესრულებაზე. მრავალი ბიზნესისთვის ეს ყველაზე მარტივი და ხარჯთეფექტური მიდგომაა.

2. ორი დანადგარის გამოყენება

CO₂ ან დიოდური ლაზერის გამოყენება ჭრისთვის, ხოლო ბოჭკოვანი ლაზერის — მეტალის მარკირებისთვის, მცირე ბიზნესებისთვის ერთ-ერთი ყველაზე პრაქტიკული კომბინაციაა. ერთად ეს ორი დანადგარი მოიცავს ფართოდ გავრცელებული მასალებისა და აპლიკაციების მრავალფეროვან სპექტრს.

ამ მიდგომის მთავარი ნაკლოვანება ის არის, რომ გექნებათ ორი დანადგარი, ორი სამუშაო არე, შესაძლოა — ცალკე პროგრამული უზრუნველყოფის სამუშაო პროცესები და ორი განსხვავებული ტექნიკური მომსახურების გრაფიკი.

3. მრავალლაზერული წყაროს მქონე პლატფორმის გამოყენება

თანამედროვე ლაზერული დანადგარების ზოგიერთი მოდელი ერთ სისტემაში აერთიანებს რამდენიმე ლაზერულ წყაროს. ერთ-ერთი გავრცელებული კონფიგურაცია აერთიანებს დიოდურ ან CO₂ ლაზერულ წყაროს არამეტალური მასალების ჭრისთვის და ბოჭკოვან ლაზერულ წყაროს მეტალის მარკირებისთვის.

ამ მიდგომის შემთხვევაში შეგიძლიათ გამოიყენოთ ერთი დანადგარი, ერთი სამუშაო სივრცე და უფრო ერთიანი სამუშაო პროცესი, ამასთანავე დაფაროთ მასალების გაცილებით ფართო სპექტრი. საწყისი ინვესტიცია უფრო მაღალია, ვიდრე ერთი ლაზერული წყაროს მქონე დანადგარის შემთხვევაში, თუმცა ეს შეიძლება უფრო პრაქტიკული იყოს, ვიდრე ორი ცალკე სისტემის შეძენა და მათი ტექნიკური მომსახურება.

რომელი მიდგომაა თქვენთვის ყველაზე შესაფერისი?

საუკეთესო არჩევანი ნაკლებად არის დამოკიდებული დანადგარის ფასზე და უფრო მეტად — იმაზე, თუ რამდენად მრავალფეროვანია თქვენი სამუშაო მასალებისა და პროდუქციის ასორტიმენტი.

• ერთი ძირითადი მასალა ან პროდუქტის ტიპი: სპეციალიზაცია.
• ხისა და მეტალის პროდუქტები: განიხილეთ ორი დანადგარის შეძენა.
• მასალების ფართო სპექტრი და შეზღუდული სამუშაო სივრცე: შესაძლოა, მრავალლაზერული წყაროს მქონე პლატფორმის განხილვა ღირდეს.

მიზანი არ არის ყველაზე მძლავრი ლაზერის მოძებნა. მიზანია, შეარჩიოთ ლაზერული წყაროების ისეთი კომბინაცია, რომელიც ყველაზე მეტად შეესაბამება თქვენს რეალურ სამუშაოს.

ხშირად დასმული კითხვები

რა ტიპის ლაზერული გრავირების დანადგარები არსებობს?

დესკტოპისა და მცირე ბიზნესისთვის განკუთვნილ ბაზარზე ლაზერული გრავირების დანადგარების ხუთ ძირითად ტიპს შეხვდებით: CO₂ (10.6 მკმ), დიოდური (450 ნმ), ბოჭკოვანი (1064 ნმ), MOPA (1064 ნმ, რეგულირებადი პულსის სიგანით) და UV (355 ნმ). თითოეული ტიპი განისაზღვრება მისი ტალღის სიგრძით, რომელიც განსაზღვრავს, რომელი მასალები შთანთქავს ლაზერის სხივს და, შესაბამისად, რომელი მასალების დამუშავება შეუძლია კონკრეტულ დანადგარს.

რა განსხვავებაა CO₂ და ბოჭკოვანი ლაზერული გრავირების დანადგარებს შორის?

ტალღის სიგრძე და ყველაფერი, რაც მისგან გამომდინარეობს. CO₂ ლაზერი ასხივებს 10.6 მკმ ტალღის სიგრძეზე, რომელსაც ორგანული მასალები ძლიერად შთანთქავს — ამიტომ ის ეფექტურად ჭრის ხეს, აკრილსა და ტყავს, თუმცა დაუფარავი მეტალის ზედაპირიდან ლაზერის სხივი აირეკლება. ბოჭკოვანი ლაზერი ასხივებს 1064 ნმ ტალღის სიგრძეზე, რომელსაც მეტალები ეფექტურად შთანთქავს — ამიტომ ის იდეალურია ფოლადისა და ალუმინის მარკირებისთვის, თუმცა ხესა და გამჭვირვალე პლასტმასში ლაზერის სხივი ძირითადად გადის. მარტივად რომ ვთქვათ, CO₂ ლაზერი არამეტალური მასალების ჭრისთვისაა, ხოლო ბოჭკოვანი ლაზერი — მეტალების მარკირებისთვის.

რა განსხვავებაა დიოდურ და CO₂ ლაზერული გრავირების დანადგარებს შორის?

ორივე ტიპის ლაზერი მსგავს ორგანულ მასალებს ამუშავებს, თუმცა CO₂ ლაზერული გრავირების დანადგარი გაცილებით მეტი შესაძლებლობით გამოირჩევა და, შესაბამისად, უფრო ძვირიც არის. CO₂ ლაზერს შეუძლია უფრო სქელი მასალების ჭრა, ჭრის უფრო მაღალი სიჩქარით და, რაც განსაკუთრებით მნიშვნელოვანია, ჭრის გამჭვირვალე აკრილს, რომლის გავლითაც 450 ნმ ტალღის სიგრძის დიოდური ლაზერის სხივი პირდაპირ გადის. დიოდური ლაზერული დანადგარები კი მნიშვნელოვნად იაფია, ნაკლებ ტექნიკურ მომსახურებას საჭიროებს და ნაკლებ სივრცეს იკავებს, რის გამოც ისინი დამწყებთათვის ყველაზე გავრცელებულ არჩევანს წარმოადგენენ.

რომელი ტიპის ლაზერული გრავირების დანადგარია საუკეთესო მეტალისთვის?

ზოგადი მეტალის მარკირებისა და გრავირებისთვის საუკეთესო არჩევანია ბოჭკოვანი ლაზერი; MOPA ლაზერი — თუ გჭირდებათ ფერადი მარკირება უჟანგავ ფოლადზე ან ტიტანზე, ან სუფთა შედეგი თხელ და დელიკატურ დეტალებზე; UV ლაზერი — თუ მეტალის დეტალთან ერთად მუშაობთ პლასტმასის ან მინის კომპონენტებზე, რომლებიც სითბოს ზემოქმედებას ვერ უძლებს. CO₂ და დიოდურ ლაზერებს დაუფარავ მეტალზე მარკირება არ შეუძლიათ სპეციალური საფარის გარეშე.

შეუძლია თუ არა დიოდურ ლაზერულ გრავირების დანადგარს გამჭვირვალე აკრილის ჭრა?

არა. გამჭვირვალე აკრილი 450 ნმ ტალღის სიგრძის მიმართ გამჭვირვალეა, ამიტომ დიოდური ლაზერის სხივი ფურცელში გადის და საკმარის ენერგიას ვერ შთანთქავს ჭრისთვის. მუქი და გაუმჭვირვალე აკრილი კი ჩვეულებრივ იჭრება, რადგან პიგმენტი ლურჯ სინათლეს შთანთქავს. გამჭვირვალე აკრილის ჭრისთვის საჭიროა CO₂ ლაზერი.

რა არის MOPA ლაზერული გრავირების დანადგარი და რით განსხვავდება ის ბოჭკოვანი ლაზერისგან?

MOPA ნიშნავს Master Oscillator Power Amplifier-ს (მთავარი ოსცილატორი და სიმძლავრის გამაძლიერებელი). ეს არის ბოჭკოვანი ლაზერის ტიპი, რომლის პულსის სიგანის რეგულირება შესაძლებელია, განსხვავებით ფიქსირებული პულსის მქონე ბოჭკოვანი ლაზერებისგან. ეს საშუალებას იძლევა, ზუსტად გაკონტროლდეს მასალაზე გადაცემული სითბოს რაოდენობა. ასეთი კონტროლი უზრუნველყოფს უჟანგავ ფოლადსა და ტიტანზე ფერადი მარკირების, ანოდირებულ ალუმინზე მკაფიო შავი მარკირებისა და თხელ დეტალებზე დეფორმაციის გარეშე მარკირების შესაძლებლობას — შედეგების, რომელთა საიმედოდ მიღწევაც ფიქსირებული პულსის მქონე ბოჭკოვანი ლაზერული წყაროთი შეუძლებელია.

რა შეუძლია UV ლაზერული გრავირების დანადგარს ისეთი, რაც სხვა ტიპის ლაზერებს არ შეუძლიათ?

ამუშავებს მასალებს, რომლებიც სითბოს ზემოქმედებით ზიანდება. 355 ნმ ტალღის სიგრძეზე ლაზერის სხივი მოლეკულურ ბმებს პირდაპირ არღვევს და მასალას ძირითადად თერმული ზემოქმედებით არ აშორებს, რის შედეგადაც სითბური ზემოქმედების ზონა მინიმალურია. სწორედ ამიტომ, UV ლაზერი პრაქტიკული არჩევანია მინისა და კრისტალის მიკრობზარების მინიმალური წარმოქმნით დასამუშავებლად, ინფრაწითელი ლაზერების ზემოქმედებით დნობადი პლასტმასების მარკირებისთვის, ასევე PCB-ების, მოქნილი ელექტრული წრედებისა და სამედიცინო კომპონენტების დასამუშავებლად, სადაც თერმული დაზიანება დაუშვებელია.

შეუძლია თუ არა ლაზერული გრავირების დანადგარს სპილენძის, ოქროს ან ვერცხლის მარკირება?

დიახ, ბოჭკოვანი ან MOPA ლაზერული წყაროს გამოყენებით — თუმცა ფოლადთან შედარებით უფრო ნელა. ეს მეტალები 1064 ნმ ტალღის სიგრძის ლაზერულ გამოსხივებას უჟანგავ ფოლადთან შედარებით გაცილებით ძლიერად ირეკლავს, ამიტომ იგივე სამუშაოს შესასრულებლად საჭიროა უფრო მაღალი სიმძლავრე და მეტი პასის განხორციელება. გარდა ამისა, ზოგიერთ დანადგარში მაღალი ამრეკლავი თვისებების მქონე მასალებზე ლაზერის სიმძლავრე შეზღუდულია, რათა წყარო უკან არეკვლისგან (back-reflection) დაიცვას. CO₂ და დიოდური ლაზერები კი ამ მეტალებზე მარკირებას საფარის გარეშე საერთოდ ვერ ახორციელებენ.

რომელი ტიპის ლაზერული გრავირების დანადგარია საუკეთესო დამწყებთათვის?

დიოდური ლაზერული დანადგარი — თითქმის ყველა შემთხვევაში. ის ყველაზე დაბალ ფასად არის ხელმისაწვდომი, მინიმალურ ტექნიკურ მომსახურებას საჭიროებს, ლაზერული მილის შეცვლა არ სჭირდება და მოიცავს იმ მასალების უმეტესობას, რომლებითაც დამწყებები იწყებენ მუშაობას — ხეს, ტყავს, ქაღალდსა და ანოდირებულ ალუმინს. გადადით CO₂ ლაზერზე, როდესაც გჭირდებათ გამჭვირვალე აკრილის ჭრა ან უფრო სწრაფი ჭრა, ხოლო ბოჭკოვან ლაზერზე — როდესაც მეტალი თქვენი სამუშაოს ძირითადი მიმართულება გახდება.

შეუძლია თუ არა ერთ ლაზერულ გრავირების დანადგარს ყველა ტიპის მასალის დამუშავება?

არა, არც ერთ ლაზერის ტალღის სიგრძეს არ შეუძლია ყველა ტიპის მასალის დამუშავება. UV ლაზერი მასალების ყველაზე ფართო სპექტრს მოიცავს, თუმცა სქელი მასალების ჭრისთვის არ არის განკუთვნილი. პრაქტიკული გამოსავალია სპეციალიზაცია ერთ კონკრეტულ ლაზერულ წყაროზე, ორი ერთმანეთის შემავსებელი დანადგარის გამოყენება ან მრავალლაზერული წყაროს მქონე პლატფორმის არჩევა, რომელიც ერთ კორპუსში რამდენიმე ლაზერულ წყაროს აერთიანებს.

დასკვნა

ტალღის სიგრძე არის მთავარი მახასიათებელი, რომელიც განსაზღვრავს, თუ რომელი მასალების დამუშავება შეუძლია ლაზერულ გრავირების დანადგარს და რომელი მასალების — არა. სიმძლავრის (ვატების) გაზრდა არ ცვლის იმას, თუ როგორ ურთიერთქმედებს კონკრეტული მასალა კონკრეტული ტალღის სიგრძის ლაზერთან.

• CO₂ ლაზერი უზრუნველყოფს არამეტალური მასალების ჭრის საუკეთესო შესაძლებლობებს.
• დიოდური ლაზერი ხელმისაწვდომი საწყისი არჩევანია და კარგად მუშაობს დამწყებთათვის გავრცელებულ მრავალ მასალაზე.
• ბოჭკოვანი ლაზერი უზრუნველყოფს მეტალებზე სწრაფ და გამძლე მარკირებასა და გრავირებას.
• MOPA ლაზერი პულსის რეგულირების შესაძლებლობას ამატებს, რაც შესაბამის მეტალებზე ფერადი მარკირების, მათ შორის სხვა სპეციალიზებული აპლიკაციების, შესრულების საშუალებას იძლევა.
• UV ლაზერი უზრუნველყოფს დელიკატური მასალების ზუსტ, დაბალთერმულ დამუშავებას, რომელთა დამუშავებაც სხვა ლაზერული წყაროებისთვის რთულია.

ლაზერული დანადგარის შერჩევის საუკეთესო გზა თქვენი მასალების ჩამონათვალით და არა ბიუჯეტით დაწყებაა. განსაზღვრეთ, რომელ მასალებსა და პროდუქტებთან მუშაობთ ყველაზე ხშირად, შემდეგ კი შეარჩიეთ ლაზერული წყარო, რომელიც ამ აპლიკაციების უმეტესობას მოიცავს.

ბოლოს, გადახედეთ ზემოთ მოცემულ შედარების ცხრილებს და შეამოწმეთ, რომელი მასალების დამუშავება არ შეუძლია თქვენს მიერ შერჩეულ ლაზერს. სწორედ ამ შეზღუდვებმა — და არა მხოლოდ დანადგარის ფასმა ან სიმძლავრემ — უნდა განსაზღვროს საბოლოოდ თქვენი არჩევანი.